فضفضة مغتربة "الحلقة الأولى"

لا تنادي يا عربّ
فلنّ تحيّ ميتاُ بكثرة الخُطبّ
منذ صارت الخيانة أصل ونسبّ
والله كتب عليهم السخطّ و الغضبّ

مساكم أسطوري … مساكم سيلفي وويل سميت جنبي والزومبي وراكم متخفي.

يا جماعه في ناس مفكره كرامتنا و إستباحتها بتنحل بفنجان قهوة سادة و طبق عشا أو وليمة..
سمعتوا شوا أخر الأخبار الأليمة ؟؟ بيقولوا في مجزره و حدا أخد الشرف والضمير العربي عنده رهينه…
ناس شافت أموات أحياء بينا عم تمشي..
أجسادهم مسيرة.. عقولهم أبدا مو مخيرة..
طلعت من قبورها ، لتتباهى بفجورها…
عدوها اللدود شمس الحق و بتتمنى تطفي نورها ..
خايفين من أشعتها تحرقهم فصار هدفهم هزيمتها و سقوطها…
فقالوا هالشمس لازم تغيب بدون ما تحرقنا !! تغيب بطعنة خيانه أو غدر من سكان قصورها!!

دايما بسأل حالي سؤال؟! ليه دايما عنا zombies عربيه!! بتتمتع بأكل لحوم أهلها و بتقدم بقايانا للوحوش كهدية!!
بتقضي ليلها تدور ع ريحة دماء طاهرة لمناضل قدم روحة فدى القضية!!
مع إنها zombies جبانه و عايشة حياتها بالضلمة و بتخاف من أشعة الحق االقوية !!
لكن بطشها زاد و غدرت بكل من قاوم و ضحى بحياته ﻷجل الكرامة العربية !!
للأسف هال zombies تكاثرت و صارت تمشي بينا و في إيدها الغرقانه دم بتلاقيها حامله متلي متلك هوية !!
هويه برقم وطني مع انه مشروبها المفضل هو دمك و دمي…

هال zombies جاييه من أرض مسحورة .. كانوا عباره عن جثث متعفنه مكموره.. صحيت بترياق ساحر شرير على قول الأسطورة.. و كانت تستمد قوتها من ظلمة الشر و دماء الأبرياء المهدوره..
ومع إني مو ساحرة ولا عرافه بس نهايتهم معروفه..

رح يجي يوم تطلع فيه شمس النصر و الحق قبل أوانها.. و تنصدم ال zombies و تركض لتتخبى بمكانها..
حتوصل تلاقي إنها نسيت مفاتيح قبورها..
و حتلاقي اجساد شهدائنا أخدت مكانها و رح تحرقهم شمس الحرية و نتهي مأساة بطشها و فجورها..
رح نرفع علمنا بالعالي و نحكي لأولادنا قصتهم و نقلهم شايفين هون كان رمادهم و هون شهدنا للخيانه مصرعها و هزيمتها و هون كان أخر ظهورها..

Zombies Last seen at اليوم الموعود.

سلام الزرو- قطر 
 

(صورة تعبيرية من الكاتبة) 

شاهد أيضاً

الاستثمار، الرهان الخاسر!

جميعنا اصبح يعي و يدرك أن تحقيق نسب نمو وخلق فرص عمل وتحريك الدورة الاقتصادية …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *